Typing errors in bhaktigana-2 part

Dear all
Whoever downloaded bhaktiganga-part-2, please note that there are some typing errors. Hence this part is removed from the download list. Once all the corrections are made, it will be uploaded again.
At the lotus feet of Shri Dattaswami
-Durgaprasad

అవతీర్ణనరో బ్రహ్మ

శ్లో. అవతీర్ణనరో బ్రహ్మ మార్గః కర్మ కర్మ ఫలార్పణం
జీవః సృష్టి కణః సృష్టిః మిధ్యా తస్యైవ నాత్మనః

తా. అవతరించిన నరావతారమే బ్రహ్మము. ఆ బ్రహ్మమును ప్రసన్నము చేసుకొను మార్గము కర్మ మరియు కర్మ ఫలము యొక్క సమర్పణమే. జీవుడు సృష్టి లోని ఒక అత్యల్ప మైన కణము. ఈ సృష్టి బ్రహ్మమునకే మిధ్య కానీ, జీవునకు కాదు.

Download

You can download Telugu lyrics of Bhajans Composed and Sung by H H Shri Dattaswami here.


Download Bhaktiganga Part-1

You can also download a Telugu message of Swamiji with meaning of Gayatri Mantra, meaning of Vedic hymns in hindu marriages and rituals and a message to Brahmin priests.
Download dattamessage.pdf

At Lotus feet of Shri Dattaswami
-Durgaprasad

భైరవాయతే - కాల భైరవాయతే

భైరవాయతే - కాల భైరవాయతే
ప్రదక్షిణానిమే - దేవ - మూఢ భక్తస్య || (పల్లవి)

1. కాశికాపురీ క్షేత్ర లోక పాలనం
పింగళేక్షణ - స్పురణ మాత్రమేవతే
భువన భాండక - ప్రళయ భస్మ కారకో
గర్జనోద్ధత - ధ్వని - కణస్తవ ప్రభో ||

2. అష్ట సిద్ధయో - ప్యష్ట - భూతిభిస్సహా
భూత నాధతే - కరుణ - వేశ సంభవా:
సారమేయవత్ - త్వయి సమర్పితార్ధినాం
బోధయత్యహో - శునక - వాహనం తవ ||

3. అరుణ వాసనం - భైక్ష్య - భస్త్రికాభుజం
సాగ్ని పాత్రకం - పృధుల - మార్జనీధరం
శ్మశ్రుభీకరం - కాల - దండ మండితం
కాళికా పతిం - కాల - కాలమాశ్రయే ||
!----------------------------------------------
2. కాలభైరవ స్వామీ - కదలి రావా ఏమీ

కాలభైరవ స్వామీ - కదలి రావా ఏమీ
కాశీపుర పాలక పాహి - కామితార్ధం మమదేహి

కాల జటాలంకృత చంద్రకళాధర
కాలాగ్ని కుండ ఫాల లోచనహర
కాళికా హృదయ కమలినీచర
కాలదండ వలయ భ్రామణ కర

శ్రీ త్రిశూల మహా స్తోత్రం

1. కాలకాల కరాళ శూలం -కామితార్ధం కల్ప యేన్నః
ప్రళయకాల భయానకోగ్రం- విద్యుదగ్ని వివర్షణాగ్రం

2. రాక్షసాధమ భస్మశేషం - రావణస్ధవ వక్త్ర ఘోషం
మన్మధాకృతి దాహ రోషం - త్రివిధ కర్మ ఫలాగ్రవేషం

3. దత్తసేవక శత్రునాశం - ఖండితాత్మ ప్రతిఫలాశం
పాతితాంతక జగదధీశం - భూతభీకర కాల పాశం

4. విద్యుదుజ్జ్వల దగ్నిజాలం - కౌరవాణాం మరణ లోలం
పార్ధ ద్రుశ్యం గరళ నీలం - వ్యాసబోధాద్విదిత నీలం

శ్రీ మన్నారాయణ సుదర్శనాస్త్ర స్తోత్రము

1. వందనీయం విష్ణు చక్రం - వారణార్ధం ఛిన్న నక్రం
ఖండితాసుర వృత్తి వక్రం - రక్షితామర లోక శక్రం

2. ఆశ్రితామర భాగధేయం - విక్రమోజ్జ్వల మప్రమేయం
ఆగమాంతర మంత్ర గేయం - శ్రీ సుదర్శన నామ ధేయం

3. కార్తవీర్య మహావతారం - చోరదండన లోక చారం
ధారయాహృత భూమి భారం - విద్యుదుజ్జ్వల వల్లి హారం

4. మాధవాంగుళి నాభి సారం - దత్తభక్త విపత్తి పారం
అష్టసిద్ది మహాత్త్వ పూరం - శత్రు కర్తన కోటి హీరం

శ్రీ బ్రహ్మాస్త్ర స్తోత్రము

1. నమో నమో బ్రహ్మాస్త్రాయ - సర్వశోక వినాశకాయ
సాంధ్య ధీధితి భామయాయ - వేద మంత్ర ప్రజ్వలనాయ

2. ఇచ్ఛ యైవ వ్యక్త జగతే - సర్వసాధ్య విభూతి మహతే
అప్రతీప మేవ విశతే - బ్రహ్మతేజో రాశి లసతే

3. జప కమండలు తోయజాయ - బ్రహ్మ వాక్య విజృంభితాయ
సర్వ దేవత వందితాయ - సేవకాయిత సర్వాస్త్రాయ

4. అనఘా శక్తి ప్రచోదకాయ - దత్తాత్రేయ స్వరూపకాయ
ఆగమ విద్యుదుజ్జ్వలాయ- జ్ఞానమహాగ్నిజ్వాలికాయ

శ్రీ దత్తస్వామి భజనలు

శ్రీ దత్తస్వామి భజనలు
విజయపురిన్య'స్త పాదపద్మాయతే | వామహస్తాలోల వేద శాస్త్రాయతే |
ఙ్ఞాన సూర్యాయతే దత్తరూపాయతే | శ్రీ వేణుగోపాల కృష్ణాయ వందనమ్ ||

సర్వ విశ్వన్య'స్త పాదపద్మాయతే | వామహస్తాలోల వేదశాస్త్రాయతే |
ఙ్ఞాన సూర్యాయతే దత్తరూపాయతే | శ్రీ వేణుగోపాల కృష్ణాయ వందనమ్ ||

శ్రీ దత్త గణపతి
1. శ్రీ మూషికన్య'స్త పాద పద్మాయతే | వామహస్తాలోల ధౌత దంతాయతే |
చారునృత్యాయతే విఘ్నరాజాయతే | శ్రీ పార్వతీ ప్రాణ పుత్రాయ వందనమ్ |
సిద్ది బుద్ధి ప్రాణ నాధాయ వందనమ్ ||

శ్రీ వీరభద్రుడు
2. దక్షక్రతున్యస్త పాద పద్మాయతే | వామహస్తాలోల తీక్ష్ణ ఖడ్గాయతే |
శ్మశ్రువక్త్రాయతే వీరభద్రాయతే | శ్రీ కాళికా ప్రాణ నాధాయ వందనమ్ ||

శ్రీ షణ్ముఖుడు
3. క్రౌంచాచలన్యస్త పాద పద్మాయతే | వామహస్తాలోల శక్తి భల్లాయతే |
షణ్ముఖాబ్జాయతే తారకాంతాయతే | వల్లీశ్వరీ ప్రాణ నాధాయ వందనమ్ ||

ఈశ్వరుడు
4. శ్రీ శైల విన్యస్త పాద పద్మాయతే | వామహస్తాలోల కాలశూలాయతే |
ఫాలనేత్రాయతే భస్మవక్త్రాయతే | భ్రమరాంబికా ప్రాణనాధాయ వందనమ్ ||

మణికంఠుడు
5. శబరి గిరిన్యస్త పాద పద్మాయతే | వామహస్తాలోల మంత్ర మాలాయతే |
హరిహరాంశాయతే సుమణి కంఠాయతే | శ్రీ మోహినీ ప్రాణ పుత్రాయ వందనమ్ ||

శ్రీ వేంకటేశ్వరుడు
6. సపశైలన్యస్త పాద పద్మాయతే | వామహస్తాలోల కేళి పద్మాయతే |
పద్మ నేత్రాయతే పద్మ వక్త్రాయతే | పద్మాసతీ ప్రాణ నాధాయ వందనమ్ ||

శ్రీ సూర్యభగవానుడు
7. ప్రాచీదిశిన్యస్త పాద పద్మాయతే | వామహస్తాలోల శుక్ల వేదాయతే |
అరుణబింబాయతే సూర్యదేవాయతే | ఛాయాసతీ ప్రాణ నాధాయ వందనమ్ ||

శ్రీ కృష్ణుడు
8. గోవర్ధనన్యస్త పాద పద్మాయతే | వామహస్తాలోల చక్ర వేగాయతే |
మకుట పింఛాయతే మధుర వంశాయతే | రాధా సతీ ప్రాణనాధాయ వందనమ్ ||

శ్రీ రాముడు
9. సాకేత విన్యస్త పాద పద్మాయతే | వామహస్తాలోల చారు చాపాయతే |
సత్యవాక్కాయతే ధర్మ రూపాయతే | సీతా సతీ ప్రాణనాధాయ వందనమ్ ||

శ్రీ హనుమంతుడు
10. ఆకాశ విన్యస్త పాద పద్మాయతే | వామహస్తాలోల భూరి శైలాయతే |
రామకార్యాయతే భీమ వీర్యాయతే | సువర్చలా ప్రాణ నాధాయ వందనమ్ ||

అగ్నిదేవుడు
11. యజ్ఞాంతరన్యస్త పాద పద్మాయతే | వామ హస్తాలోల హోమ పాత్రాయతే |
సప్త జిహ్వాయతే ద్రవ్య వాహాయతే | స్వాహా సతీ ప్రాణ నాధాయ వందనమ్ ||

శ్రీ దేవేంద్రులు
12. ఐరావతన్యస్త పాద పద్మాయతే | వామహస్తాలోల హేతివజ్రాయతే |
స్వర్గ నాధాయతే దేవరాజాయతే | శచీ సతీ ప్రాణ నాధాయ వందనమ్ ||

శ్రీ ఆదిశేషుడు
13. క్షీరార్ణ వన్యస్త పాద పద్మాయతే | వామహస్తాలోల నాగపాశాయతే |
విష్ణుతల్పాయతే శేష దేవాయతే | శ్రీ నాగినీ ప్రాణ నాధాయ వందనమ్ ||

గరుత్మంతుడు
14. వైకుంఠ విన్యస్త పాద పద్మాయతే | వామహస్తాలోల పూర్ణ కుంభాయతే |
విష్ణు వాహాయతే గరుడ రాజాయతే | వినతాంబికా ప్రాణపుత్రాయ వందనమ్ ||

శ్రీ కాలభైరవులు
15. బ్రహ్మాండ విన్యస్త పాద పద్మాయతే | వామహస్తాలోల కాల పాశాయతే |
దత్త దూతాయతే భైరవాఖ్యాయతే | మాయాసతీ ప్రాణ నాధాయ వందనమ్ ||

శ్రీ దత్తాత్రేయస్వామి
16. సహ్య శైలన్యస్త పాదపద్మాయతే | వామహస్తాలోల బీజమాలాయతే |
అరుణవస్త్రాయతే యోగిరాజాయతే | అనఘా సతీ ప్రాణ నాధాయ వందనమ్ ||

శ్రీ షిరిడీ సాయి నాధుడు
17. శ్రీ షిరిడి విన్యస్త పాద పద్మాయతే | వామహస్తాలోల లోహ దండాయతే |
మౌళి వస్త్రాయతే సాయినాధాయతే | శ్రీ ద్వారకామాయి వాసాయ వందనమ్ ||

శ్రీ సత్యసాయి నాధుడు
18. శ్రీ పర్తి విన్యస్త పాదపద్మాయతే | వామహస్తాలోల భస్మదానాయతే |
కేశ బింబాయతే మధుర కంఠాయతే | శ్రీ సత్యసాయీశ దేవాయ వందనమ్ ||

శ్రీ గణపతి సచ్చిదానంద స్వామీజీ
19. మైసూరు విన్యస్త పాద పద్మాయతే | వామహస్తాలోల యోగ ముద్రాయతే |
భక్తి గీతాయతే దత్త తత్త్వాయతే | శ్రీ సచ్చిదానంద దేవాయ వందనమ్ ||

శ్రీ ఏసుక్రీస్తు ప్రభువు
20. శ్రీ రోము విన్యస్త పాదపద్మాయతే | వామహస్తాలోల తత్త్వ ముద్రాయతే |
ఙ్ఞాన వాక్యాయతే సత్య సూర్యాయతే | మరియాంబికా ప్రాణ పుత్రాయ వందనమ్ ||

SRI DATTAVEDAM BLOG

"అన్నార్తులకు అన్నము, జ్ఞానార్తులకు జ్ఞానము, భక్తిని పంచినచో ఆ సేవ నిజముగా మీ లెక్కలోనికి చేర్చబడును" అంటారు స్వామి. భక్తులు స్వామిని దత్తావతారముగా గుర్తించి విశ్వసిస్తున్నారు. స్వామి ప్రసాదించిన అనేక దివ్య ఉపన్యాసాలను DATTAVEDAM బ్లాగు (http://dattavedam.blogspot.com) ద్వారా పొందగలరు. ఈ దత్తసేవలో పాల్గొని ఇతర భక్తులు కూడా శ్రీ దత్త ప్రభువుల యొక్క అనుగ్రహమును, ఆశీస్సులను పొందుదురుగాక!శ్రీ దత్తప్రభువు ఒక్కరే ఈ విశ్వమునకు గురువుగా, పరమాత్మగా ఉన్నారు గదా.

At lotus feet of Shri Dattaswami
-Durgaprasad

శ్రీ దత్త దేవునిపై పిచ్చి ప్రేమ

దత్తదేవుని పిచ్చి ప్రేమతో
నీ నిత్య సాధన తపము సాగించు
భక్తా! నీ నిత్య సాధన తపము సాగించు (పల్లవి)

1. ప్రేమతోడ తన కృష్ణుని తలచుచు
నిత్య ధర్మముల సన్యసించిన
అట్టి రాధకే భక్తి యోగమున
అందరాని గోలోక మందెనే!

2. తల్లిదండ్రులును పతులును సతులును
తనయులు తనయలు సర్వ బంధువులు
తెగితెగి పోవగ బంధములన్నియు
భగవద్భంధము ఒక్కటియె మిగుల

3. దిక్కులలో ఎటు చూచిన గానీ
పరమాత్ముండే కనిపించుచుండు
అన్నపానములు నిద్రయు నుండవు
ప్రతి నిమిషంబును దత్తదేవుడే

4. పరువు మర్యాద ధర్మము నరకము
సంప్రదాయములు పాపభీతియును
ఉల్లంఘించిన ఉన్మాదముతో
బ్రజవనితల వలె జీవించుచుండు

5. నిత్య ధర్మముల చేయనందులకు
లోకులు కాకులు పలురీతులుగా
కూయుచుండినను లెక్కింపకయే
లోక సంగమును పూర్తిగ వదలిన

6. గజములు త్రొక్కిన పాములు కరచిన
సాగరమందున ముంచి వేసినను
శ్రీ మన్నారాయణ యను యను మంత్రము
విడవని ప్రహ్లాదుని వలె నుండుచు

7. పరమాత్మ కనుల రక్త ధారలను
చూడగ ఏడ్చుచు రెండు కన్నులను
బాణము కొసతో పెకిలించి నట్టి
తిన్నని ప్రేమయె ఆదర్శముగా

8. బృందావనమున మండు టెండలో
ఇసుక రేణువుల నిప్పుల కణముల
నడుచుచు మాధవ మాధవ యనుచును
విలపించి రాధ ప్రాణము విడచెను

9. స్వామి కోసమై ఏకైక సుతుని
శిరియాళుని తమ చేతుల చంపియు
వండినట్టి ఆ తల్లి దండ్రులే
భక్తియోగమున పరాకాష్టగా!

10. తల్ల్లిని విడచిన బాలశంకరుడు
తండ్రిని విడచిన ప్రహ్లాద శిశువు
భార్యాపుత్రుల రాజ్యము విడచిన
బుద్ధదేవుడే నీ ధ్యేయముగా

11. ముత్యాల హార మిచ్చిన గానీ
రాముడు లేడని కొరకుచు విసరెను
నఖముల హృదయము చీల్చి చూపెగా
శ్రీ రాముని హనుమంతుడటులనే

12. ముళ్ళ కిరీటము రక్తము కారగా
కొరడా దెబ్బల వాతలు పడుచును
దేవుని కొరకై - శిలువ మోయుచును
నడచు చున్నట్టి క్రీస్తును తలచుచు
Download the audio of this bhajan sung by a devotee here

Typing mistakes in bhaktiganga

Dear readers,
Many typing mistakes have been found in Telugu Bhakti Ganga. In few days all the mistakes will be corrected.
Anyone who wishes to have pdf version of Full Telugu bhaktiganga can write to me at: prasad@universal-spirituality.org
At Lotus feet of Shri Dattaswami
-Prasad

దత్తస్వామి దివ్యవాణి

“ఙ్ఞానమె దీపము, భక్తియె మార్గము నీ దయ నడవగ ఊపన్నా, దీపహీనుడును మార్గమునందున లక్ష్యము చేరును వెంకన్నా.”

ఙ్ఞానము మూల కారణము. భక్తి ప్రాప్తి కారణము. సేవ (కర్మ) ఫల స్వరూపము. ఈ మూడింటిని క్రమముగా శంకర – రామానుజ – మధ్వ రూపాలలో దత్త భగవానుడు యీ లోకములో ఉపదేశించినారు. కృష్ణుని గుణములను విని, కృష్ణుని గురించిన ఙ్ఞానము వలన రుక్మిణి కృష్ణుని యందు ఆకర్షిత అయ్యెను. కావున బ్రహ్మ ఙ్ఞానము అనగా ఙ్ఞాన యోగము మూలకారణము. ఈ ఆకర్షణ రూపమైన, భగవంతుని పొందాలనే తపనయే భక్తి. ఇట్టి తపన ద్వారా కృష్ణుని రుక్మిణి పొందగలిగినది కావున భక్తియే ప్రాప్తి కారణము. " భక్త్యా త్వనన్యయా లభ్యః " అని గీత. "అనన్య భక్తికి నేను లభిస్తాను", అని దీని అర్ధము. శంకరులు సైతం "మోక్షసాధన సామగ్ర్యాం, భక్తి రేవ గరీయసీ" "భక్తిఃకింనకరోత్యహో!" అని భక్తియే అత్యుత్తమ సాధనమనియు, భక్తి దేనినైనా సాధించగలదనియు ప్రస్తుతించినారు. భక్తి ద్వారా పరమాత్మను పొందిన తరువాత, స్వామిని సేవించే భాగ్యమే (సేవా) కర్మ యోగము. సేవ భక్తికి నిరూపణము. ప్రాప్తి తరువాత రుక్మిణి పరమాత్మ యొక్క పాదసేవను చేసినది.

శబరి, తిన్నడు మొదలగు భక్తులు ఙ్ఞానము లేకపోయినా భక్తి ద్వారా పరమాత్మను పొందినారు. వారికి పూర్వ జన్మలలో యీ ఙ్ఞానయోగము లభ్యమైనదని అర్ధము. కావున భక్తి యున్నచో ఙ్ఞానమున్నట్లే. ఙ్ఞానమున్నచోట భక్తి జనింపక తప్పదు కావున భక్తి ఉన్నట్లే. ఙ్ఞాన పరాకాష్ఠయగు శంకరులను, భక్తి పరాకాష్ఠయగు మీరను పరమాత్మ సశరీరంగా ఐక్యము చేసుకున్నారని ప్రసిద్ధి.

"యానః ప్రీతిర్విరూపాక్ష" అను శ్లోకము లౌకిక విషయములందున్న ప్రేమయే భగవంతునియందున్న భక్తి యనబడునని చెప్పుచున్నది. ఈ భక్తియే పరాకాష్ఠకు చేరినచో పరాభక్తియనబడును. ఈ స్ధితిలో స్వామిపై పరిపూర్ణ ప్రేమయుండి, ఎట్టి విమర్శయు తర్కము స్వామియందు సహించజాలని విపరీత వ్యామోహము ఏర్పడును. ఈ దశలో స్వామి ఆగ్రహము కూడ మహాప్రసాదముగా భావించు పరిస్ధితి ఇది. ఇదే నవవిధ భక్తులలోని చివరిదియగు ఆత్మనివేదనము. మనోవాక్కాయములే ఆత్మ యనబడును. ఇదే త్రికరణార్పణము. ప్రతి వ్యక్తితోను ప్రతి వస్తువుతోనుగల బంధములన్నియు తెగిన పూర్ణముక్తి ఇదే. స్వామి బంధము ఒక్కటే మిగిలిన కైవల్యమిదే. ఇదే భక్తి యొక్క దశావస్థలలోని "ఉన్మాదము" అనగా బ్రహ్మ పిచ్చి. ఈ ఉన్మాదములో స్వామి తప్ప, లౌకిక వస్తువుగానీ, లౌకిక వ్యక్తిగానీ, ధర్మాధర్మ విచికిత్స గానీ, నరకాది భయములు కానీ ఉండవు. ఇదే అవధూతావస్థ. ఇది గోపికలకు కలిగెను.

ఙ్ఞానయోగమునకు సద్గ్రంధములు సత్సంగములు ఎట్లు సాధనములో, భక్తి యోగమునకు భజన పాటలు అట్టి సాధనములు. భక్తి సూత్రకర్త యగు నారదుడు వీటిని సదా కీర్తించుటచేత దేవాసురులకును పూజ్యుడయ్యెను. అసురులు అనగా దుష్టులు సైతము వీటి వలన ప్రభవితులగుదురని అర్ధము. నారదుడు భక్తి అనిర్వచనీయమన్నాడు. "జారవచ్చ" "యధావ్రజగోపికానాం" అను సూత్రములలో జారుని యొక్క లోలత్వము (నిష్ఠ) తో సమానమైనది భక్తి యని, భక్తులకు ఉదాహరణముగా గోపికలను పేర్కొన్నాడు. "తన్మయాహితే" అను సూత్రములో భక్తులలో భగవంతుడు ఆవేశించి కైవల్య భావము అనగా తానే వారు, వారే తాను అనునట్లు ఉండునని చెప్పినాడు.

సంసార బంధములను ఆరు కొండలను దాటి, కేవల భగవద్బంధమనే ఏడవ కొండనెక్కి అచటనున్న భక్తి యను కోనేరు గంగలో ఒక్కసారియైన మునక వేయని జీవుని జీవితము వ్యర్ధము. “ఒకసారి మునకేతునా - నా ప్రాణనాధా” అనే భజనతో భక్తి గంగలో ఒక్కసారి అయినా మునగండి.

దత్తస్వామి
జన్నాభట్ల వేణుగోపాల కృష్ణమూర్తి

You can find discourses of swami in english on universal spirituality at webstite:http://www.esnips.com/user/dattaswami

At the lotus feet of Shri Dattaswami

-Prasad

శ్రీ దత్తన్నా - గురు దత్తన్నా

శ్రీ దత్తన్నా - గురు దత్తన్నా - ప్రభు దత్తన్నా - నా దత్తన్నా (పల్లవి)

సృష్టిస్థితిలయ - కారకులుండగ - త్రిమూర్తులొక్కటే - బ్రహ్మమెట్లగును
అని తపముచేయు - అత్రి మహర్షికి - త్రిముర్తి ముఖముల - కనిపించినావు

సృష్టి,స్థితి,లయ - కారణమొక్కటే - వేదము చెప్పిన - పరమబ్రహ్మము
త్రిమూర్తి తత్త్వం  - దత్తాత్రేయమె - పరమ్రహ్మమన - వేదసిద్ధమిది.

వేషాలు వేరు - నామలు వేరు - పరబ్రహ్మమను - వ్యక్తి ఒక్కడగు
నానాపాత్రల - ధరించునటుడవు - రమించువాడవు - నీవేనన్నా

బ్రహ్మన్న నీవే - హరియన్న నీవే - రుద్రన్న నీవే - భైరవన్నవును
రామన్న నీవే - కృష్ణన్న నీవే - గణపన్న నీవే - వీరన్న నీవే

వెంకన్న నీవే - మల్లన్న నీవే - నరసన్న నీవే - అయ్యప్పన్నవు
హనుమన్న నీవే - గరుడన్న నీవే - శేషన్న నీవే - సుబ్బన్న నీవే

వాణమ్మ నీవే - లక్ష్మమ్మ నీవే - గౌరమ్మ నీవే - దుర్గమ్మ నీవే
అనఘమ్మ నీవే - లలితమ్మ నీవే - భ్రమరమ్మ నీవే - పద్మమ్మ నీవే

రుక్కమ్మ నీవే - సత్యమ్మ నీవే - రాధమ్మ నీవే - సీతమ్మ నీవే
అరుంధతమ్మ నీవే - అనసూయమ్మవు - కాళెమ్మ నీవే - సువర్చలమ్మవు

సర్వదేవతలు - సర్వగ్రహములు - సర్వావతార - సర్వసిధ్ధులును.
నీ రూపములగు - నీ వేషములే - నీ గుణములైన - నీ భావములే

ఏ దేవరూప - మైనను వేషమె - వేషధారియగు - దత్తుడొకడే
ఏ వేషమైన - మాలలు వేసిన - వేషధారికే - ప్రీతిని చేయును.

నదీనదములెటు - కదలిని చేరునో - నానాదేవత - భజనలన్నియును
నిన్నే చేరగ - ఆనందితువు - ప్రత్యుత్తరమును – ఇత్తువు నీవే

సకల చరాచరా - జగత్తు భార్యయే - సర్వజీవులును - స్త్రీ రూపములే
పురుషడ నీవే - వేదము పల్కును - సర్వ భర్తవై - ఆడుచున్నావు.

Download this bhajan sung by Shri Dattaswami here.

శ్రీ దత్త గణపతి భజన

శ్రీ దత్తగణపతిం భజే - ఉన్మత్త నటన తాండవమ్
మత్తేభవదన భాసురం - చిత్తాబ్జ బోధ భాస్కరమ్

ఆయత్త యోగరజితం - విత్తేశ నిత్యపూజితమ్
ఉత్తనపాణి ముద్రితం - శ్రీకృత్తి వాసస స్సుతమ్

కైలాస దృషది నర్తనం - భక్తాంతరంగ వర్తనమ్
పాపౌఘ పాశకర్తనం - శ్రీ పార్వతీసుతం భజే

లంబోదరాంగ తాండవం - ముద్రాకరాబ్జ పండితమ్
సర్వాంగ నాగమండనం - వందే వినాయకం పతిమ్

దింధిమ్మి తకిట మర్దలం - భంభం నినాద శంఖకమ్
ఆనంద నృత్యతత్పరం - ధ్యాయామి ప్రమధనాయకమ్

ఆమోదకరమోదకం - వేదాంతమతి మాదకమ్
దుష్కర్మ ఫల సాదకం - విఘ్నేశ్వరం గురుం భజే

సృష్టి స్థితి లయ కారణం - మూషాఖ్య దైత్య మారణమ్
సంసర జలధి తారణం - స్తౌమి ప్రభు నరవారణమ్

పంచాస్య మాది దైవతం - దేవర్షిభి స్సమర్చితమ్
ఆలోక గళిత సంచితం - విఘ్నాధి నాధ మాశ్రయే

లోకైక పరమ వైభవం - లోకేశ్వరాది సంభవమ్
ఆలోక పరిహృతోద్భవమ్ - ఆలోకయే పరంభవమ్

శ్రీకృష్ణ కవి నివేదితైః - శ్లోకాఖ్య మోదకై రిమైః
ఆనంద గణపతిం పతిం - ఆరాధయంతు సాధకాః
------------
Download this bhajan sung by Shri Dattaswami here.

శ్రీ వాణీ కీర్తన

భజరే వీణా పాణిం - వాణీమలికుల వేణీమ్
ఏణీక్షణ సుమ బాణాం - శోణాధర కర కోణామ్ (పల్లవి)

కమలాసన ఘన కామాం - విధిరామా మభి రామామ్
శమదమ సుగుణ స్తోమాం - ఘుమ ఘుమ సౌరభ భామామ్

శరదమలా మజ లోలాం - సత్కవికుల నిజ బాలామ్
గలకలిత కమల మాలాం - సువిలసిత తిలక ఫాలామ్

హంసయాన చల దంసాం - హంస వాహనోత్తంసామ్
హంసీంద్యుతిజిత హంసాం - హంసక కలపిక హింసామ్

గద్యపద్య రసవిద్యాం - మద్య హృద్య మధు వాద్యామ్
ఆద్యాముద్యత్సద్యో - విద్యుద్ద్యుతి మనవద్యామ్

క్వణీత కచ్ఛపీం హస్తే - న్యస్త సుపుస్తక మాలామ్
ప్రశస్త మస్తాభ్యస్తాం - స్తుతిభిస్తతా మనస్తామ్

సంగీత మంగళాంగీం - శృంగార శృంగరంగామ్
భృంగాలక నవభంగీం - బ్రహ్మసంగ రసగంగామ్

ఇందిందిర చందనరుచి - కుందేందు మందహాసామ్
ఆనంద మరందాబ్ధిం - ఇందిరాస్నుషాం వందే

Download this bhajan sung by Shri Dattaswami here.

బ్రహ్మ గాయత్రీ (స్వామి వాణి): గాయత్రి అర్ధము

బ్రహ్మ దత్త కీర్తనలు.
బ్రహ్మ గాయత్రీ (స్వామి వాణి).
గాయత్రి అనగా గానాత్మకమైనది. మంత్రము అనగా మననమునకు అప్రయత్నముగా ఆకర్షించి పదే పదే ఉచ్చరింపచేయునది. "గాయత్రీ ఛన్దః " అన్నాము. అనగా గాయత్రి అను పేరు ఛందస్సులో పాడబడిన దేవత ఎవరు? సవితా దేవతా అన్నాము. సవితయే దేవత. సవిత అనగా చరాచర జగత్తును ప్రసవించు (సృష్టించు) వాడని అర్ధము.అనగా బ్రహ్మదేవుడని అర్ధము. గాయత్రి, సావిత్రి, సరస్వతి అను మూడు సంధ్యాకాల దేవతలే బ్రహ్మదేవుని భార్యలని బ్రహ్మ పురాణము. బ్రహ్మగాయత్రి అనగా-దేవతయగు బ్రహ్మదేవుడు గాయత్రి ఛందస్సులో గానము చేయబడిన వాడని అర్ధము. చంపకమాల ఛందస్సులో కృష్ణుడు కీర్తింప బడినచో ఆ పద్యార్ధము కృష్ణుడా? లేక చంపకమాలయగు దేవతయా? అట్లే గాయత్రి ఛందస్సులో కీర్తింపబడిన బ్రహ్మదత్తుడే దేవతకాని, గాయత్రి యను దేవత కాదు. దేవతను విస్మరించిన మంత్రము వ్యర్ధము కావున బ్రహ్మతేజస్సు అంతరించినది. మనస్సు-బుద్ధి-వాక్కులకు, పూజలకు బ్రహ్మము అందదు. అనగా పూజ లేనిది అని కాదు. జగత్తు యొక్క సృష్టి, స్ధితి, లయములను చేయు దత్తుడే బ్రహ్మము. ఆదత్త బ్రహ్మమే త్రిమూర్తి వేషములలోనున్నది.

పరబ్రహ్మపరమై, గానాత్మకమై, మనస్సును ఎట్టి ప్రయత్నము లేక ఆకర్షించి పదే పదే ఉచ్చరింపచేయునది ఏదియైనను గాయత్రీ మంత్రమేనని శ్రీదత్త మతము.

భజ భజ దత్తం - భజ భజ దత్తం (పార్ట్-2)

14. త్రిమతాచార్యైః పఠ్యమానాన్ - తత్తన్మతమయ భాష్యవాదాన్
శ్రుత్వా సిద్ధాన్తార్ధ మన్త్యం - సమన్వయమతం వాచయన్తమ్

(త్రిమతాచార్యులగు శంకర-రామానుజ-మధ్వులు తమతమ మతానుసారములగు తమ తమ భాష్యవాదములను వినిపించు చుండగా వినుచు చివరకు త్రిమత సమన్వయమగు మతమును తన చరమ సిద్ధాంతముగా పలుకుచున్న దత్తుని భజింపుము).

15. వేదాన్తానా మన్తి మార్థం - వేదాన్తార్థం బోధయన్తమ్
ఋషిభిః పరితో భాషమాణం - శాస్త్రార్ధేషు వ్యఞ్జితేషు

(ఉపనిషత్తులుయొక్క అంతిమసారమైన వాడును, ఉపనిషత్తుల అర్ధమును బోధించుచున్నవాడును, నిగూఢమైన వ్యంగ్యములగు శాస్త్ర విషయములను చుట్టు చేరిన ఋషులు అడుగుచుండగ చెప్పుచున్న వాడును అగు దత్తుని భజింపుము).

16. ఆయుధవర్జిత పాణిపద్మం - వాచైవారిం మారయన్తమ్‌
కర్మఫలాని లలాటపత్రే - లిఖన్త మాయు ర్దాయ దానమ్

(తన కరకమలమున ఎట్టి ఆయుధములేనివాడును, వాక్కు చేతనే శత్రువులను చంపగలవాడును, లలాట పత్రమునందు కర్మఫలములను లిఖించువాడును, ఆయుర్దాయమును ప్రసాదించువాడును అగు దత్తుని భజింపుము).

17. ఆచార్యేన్ద్రం వాక్ప్రచారం - భువిసంచారం నిర్విచారమ్
ఖలాభిచారం సదాచారం - సురపరిచారం చిత్తచోరమ్

(ఆచార్యేంద్రుడును, వాక్కుతో జ్ఞానప్రచారమును చేయుచున్న వాడును, భూమినంతయును సంచరించుచున్నవాడును, విచార రహితుడును, దుష్టులను సంహరించువాడును, వైదిక సదాచార వంతుడును, దేవతలే పరిచారకులుగ కలవాడును, చిత్తచోరుడును అగు దత్తుని భజింపుము).

18. పద్మ సంభవం పద్మపీఠం - పద్మ సుగన్ధం పద్మవర్ణమ్
పద్మాపుత్రం పద్మ నేత్రం - పద్మ సుపాణిం పద్మ పాదమ్

(కమల సంభవుడును, కమలాసనుడును, కమల సుగంధములను వెదజల్లువాడును, కమలకాంతిగలవాడును, కమలయొక్క పుత్రుడును, కమలనేత్రుడును, కమలపాణియును, కమలచరణుడునగు దత్తుని భజింపుము).

19. వీణాపాణిః యస్య శిష్యా - వాణీగాయతి జ్ఞానదేవీ
తం వాగీశం సామవాచా - చర శోణాధర మన్త్రపాఠమ్

(ఏ దేవుని యొక్క శిష్యురాలును, వీణాపాణియును, జ్ఞాన దేవియునగు వాణీదేవత కదలుచున్న ఎర్రని పెదవులతో మంత్రములను పఠించుచున్న ఏ వాగీశ్వరుని సామగానములతో స్తుతించుచున్నదో, అట్టి దత్తుని భజింపుము).

20. యత్సఙ్కల్పః కేవలం హి - సర్వ విశ్వం రచితమేవమ్
ఆద్యం దేవం ప్రథమ మూర్తిం ఆరాధనీయ మజమనాదిమ్

(ఏ దేవునియొక్క కేవల సంకల్పమే ఈ రచితమైన సర్వ ప్రపంచమో, అట్టి ఆదిదేవుని ప్రధమ రూపమును, ఆరాధనీయుడును, అజుడును, అనాదియనగు దత్తుని భజింపుము).

21. లలాటరేఖాం కర్మబద్ధాం - పరిమార్ష్టుం యః కేవలోహి
సర్వసమర్ధో లేఖకోஉయం - ధాతారంతం మూల మూలమ్

(కర్మబద్ధమైన లలాట రేఖలను తుడిచివేయుటకు వ్రాసిన వాడగు ఏ దేవుడు ఒక్కడే సర్వ సమర్ధుడో అట్టి ధాతయు, మూలమునకే మూలమైనవాడగు దత్తుని భజింపుము).

22. చతురామ్నాయాం శ్చతురవాచా - చతురాస్యాబ్జై రుద్గిరన్తమ్
కవిం కవీనా మాదికావ్యం - సర్వజగదిదం విరచయన్తమ్

(ఏ దేవుడు తన నాలుగు ముఖ కమలముల ద్వారా నాలుగు వేదములను చతురవాక్కులతో రచించెనో, కవులకే కవియును, ఆది కావ్యమైన ఈ సర్వజగత్తును రచించినవాడగు దత్తుని భజింపుము).

23. పరమ బ్రహ్మ బ్రహ్మ శబ్దో - యస్మిన్నేవ ప్రకృతి హేతౌ
పూజాతీతం పరమపూజ్యం - దివసారంభే పూజనీయమ్

(ఈ సృష్టికి ముందున్న సృష్టి కారకుడగు పరబ్రహ్మమైన ఏ దేవునియందే బ్రహ్మ శబ్దము వాడబడినదో ఏ దేవుడు వాఙ్మనోబుద్ధ్యతీతుడగుట వలన పూజలకు అందడో (బ్రహ్మపూజ లేకపోవుటకు ఇదే కారణము), నిజముగా ఉదయ పూజకు అర్హుడగు దత్తుని భజింపుము).

24. గాయత్రాద్యా యస్యభార్యాః - త్రిశక్త యస్తా స్త్రిముఖ పద్మమ్
దేవపితౄణాం పితరమేవ - పితామహాఖ్యం బ్రహ్మరూపమ్

(గాయత్రీ, సావిత్రీ, సరస్వతియను పేర్లతో త్రికాల సంధ్యాశక్తులే ఏ దేవుని భార్యలో, మూడు ముఖపద్మములతోనున్న వాడును, ఏ దేవుడినైననూ తండ్రియని పిలిచినచో ఆ తండ్రికే తండ్రియై పితా మహుడని ప్రసిద్ధుడైన దేవదేవుండగు బ్రహ్మరూపుడగు దత్తుని భజింపుము).

25. శ్లో శ్రీ దత్తబ్రహ్మ గాయత్రీం -యో గాయే ద్బ్రహ్మకాలికీమ్
స బ్రహ్మతేజసా దీప్తో - జ్ఞానీ బ్రహ్మత్వ మశ్నుతే

(ఈ శ్రీదత్తబ్రహ్మగాయత్రిని ఎవరు ప్రాతః కాలమున బ్రహ్మీ ముహూర్తములో గానము చేయుదురో, అట్టి జీవుడు బ్రహ్మ తేజస్సుతో ప్రకాశించుచూ జ్ఞానియై బ్రహ్మత్వమును పొందును).

26. శ్లో శతాయుర్దాయ మాప్నోతి - సర్వవిద్యాః ప్రపద్యతే
సత్పుత్రం లభతే హోమా - దైశ్వర్యం బ్రహ్మ వీక్షితః

(ఈ గాయత్రీ గానముచేత శతాయుర్దాయము లభించును. సర్వ విద్యలు లభించును. సత్పుత్రుడు కలుగును. ఈ గాయత్రితో హోమము చేసినచో ఐశ్వర్యము లభించును. బ్రహ్మదేవుని కృపాకటాక్షము వానిపై సదా ప్రసరించును).

Download this bhajan sung by Shri Dattaswami here.

భజ భజ దత్తం - భజ భజ దత్తం (పార్ట్ -1)

భజ భజ దత్తం - భజ భజ దత్తమ్
భజ భజ దత్తం - భజ భజ దత్తమ్ (పల్లవి)

1. తత్సవితుస్త ద్దేవతాయాః - వరేణ్య భర్గో ధీమహీహః
ప్రచోదయేద్వై ధియో యో నః - తంబ్రహ్మాణం జ్ఞానసూర్యమ్‌

(దేవుడైన ఆ సవితయొక్క శ్రేష్టమైన ఆ తేజస్సును ధ్యానించు చున్నాము. ఏ దేవుడు మా బుద్ధులను ప్రేరేపించునో, అట్టి జ్ఞాన సూర్యుడైన ఆ బ్రహ్మదేవుడగు దత్తుని భజించుము).

2. ప్రాణిప్రసవా ద్యః ప్రసిద్ధః - సవితే త్యస్య బ్రహ్మతేజః
శిష్యధియశ్చ ప్రేరయేన్నః - తంగాయత్రీ మన్త్రసారమ్‌.

(ప్రాణులను ప్రసవించుట అనగా సృష్టించుటచేత ఏ దేవుడు సవితయని ప్రసిద్ధుడయ్యెనో, ఏ దేవుని బ్రహ్మతేజస్సు మా శిష్య బుద్ధులను ప్రేరేపించుచున్నదో, అట్టి గాయత్రీ మంత్రసారమైన దత్తుని భజింపుము).

3. గాయత్రీయం ఛన్దఏవ - సవితాదేవః స్మర్యతేచ
శిష్యాన్ధకార ముకుళితాబ్జ - ధీవికాసదం గురువరేణ్యమ్‌.

(గాయత్రి అనగా ఛందస్సు పేరే గదా! ఆ మంత్రదేవత సవితయని ముందే చెప్పబడినది గదా. శిష్యులయొక్క అజ్ఞానాంధ కారము చేత ముకుళించిన బుద్ధి పద్మములకు వికాసమునిచ్చు గురువరేణ్యుడగు దత్తుని భజింపుము).

4. కర్తాభర్తా హ్యేషహర్తా - సర్వస్యాస్య శ్రూయతేహి
త్రిమూర్తిరూపం బ్రహ్మచైకం - బ్రహ్మాకారం బ్రహ్మవాచమ్‌.

(ఈ జగత్తును సృష్టించువాడే పాలించి దీనిని హరించు వాడని శ్రుతి “యతోవా” అని చెప్పుచున్నది గదా. ఒకే పరబ్రహ్మము త్రిమూర్తి స్వరూపముతో నున్నది అనియే ఈ శ్రుతికి అర్ధము. బ్రహ్మదేవుని ఆకారముననున్న వేదములను చెప్పు బ్రహ్మదత్తుడగు ఆ సవితను భజింపుము).

5. త్రిపదం ఛన్దః త్రిస్వరోక్తం - త్రికాల వన్ద్యం త్రిగుణ సూత్రమ్‌
త్రివాహినీనాం సఙ్గమం వా - త్రిమూర్తి తత్త్వం యం వ్యనక్తి

( త్రిపాదములతో నున్నది గాయత్రీ ఛందస్సు. అది ఉదాత్త అనుదాత్తస్వరితములను త్రిస్వరములతోనున్నది. త్రిగుణములతో (మూడు పోగులు) నున్నది యజ్ఞోపవీతము. త్రివాహినుల సంగమమైన ప్రయాగవంటి పవిత్రమైన త్రికాల సంధ్యలయందు వందనీయమైన ఏ త్రిమూర్తి తత్త్వమును ఈ గాయత్రీ మంత్రము స్ఫురింపచేయునో అట్టి దత్తుని భజింపుము).

6. ఓఙ్కారశ్చ త్రివిధవర్ణః - త్రిస్రోవ్యాహృత యోஉపి యంహి
సంబోధయన్తి సర్వమన్త్రో - యమేవ వక్తి త్రిగుణమేకమ్‌.

(అకార, ఉకార, మకారములతోనున్న త్రివర్ణాత్మకమగు ఓంకారము, భూః భువః సువః అను మూడు వ్యాహృతులును, ఏ దేవునే సూచించునో, సర్వగాయత్రీ మంత్రము, సత్త్వ-రజః-తమః గుణములను కలిగిన ఏ ఒకే దేవుని చెప్పుచున్నదో అట్టి దత్తుని భజింపుము).

7. చత్వారోయం వేదశునకాః - గౌరనుసరతిచ వేదధర్మః
వీణాశ్రవణం వాణీపతిం - షోడశవర్షం బ్రహ్మదేవమ్

(నాల్గు వేదములు కుక్కలుగను, వేదధర్మమే గోవుగ వెంట నడుచు చుండగ వీణాశ్రవణమును చేయువాడును, వాణీపతియు, పదునారు సంవత్సరముల ప్రాయము కలవాడును బ్రహ్మదేవుడగు దత్తుని భజింపుము).

8. జగదారంభం హంసవాహం - తేజోవదనం మన్త్రమూలమ్
గాయత్రీశం సామగానం - విద్యానిలయం వేదపాఠమ్

(జగత్తును సృష్టించుటకు ఆరంభించుచున్నవాడును, హంస వాహనుడును, తేజస్సుతోనున్న ముఖము గలవాడును, మంత్రములకు మూలమును, గాయత్రికి అధీశ్వరుడును, సామగానము చేయుచున్నవాడును, విద్యలకు నిలయుడును, వేదపాఠము చేయుచున్నవాడునగు దత్తుని భజింపుము).

9. యజ్ఞాచరణం హోమనిష్టం - కమణ్డలుధరం దర్భపాణిమ్
అగ్నిజ్వాలా భాసమానం - ప్రాతస్సన్ధ్యా బాలభానుమ్

(యజ్ఞములను చేయుచున్నవాడును, హోమములందు నిష్ఠతోనున్నవాడును, కమండలమును ధరించి దర్భలను చేతపట్టిన వాడును, అగ్నిజ్వాలవలె ప్రకాశించుచున్నవాడును, ప్రాతస్సంధ్యాకాలమున వెలుగు బాలభానుడివలె ఎర్రగా భాసించుచున్న దత్తుని భజింపుము).
10. చందన తిలకే కుఙ్కుమాఙ్కం - బ్రహ్మతేజసా దీప్యమానమ్
త్రిజగన్మోహన సున్దరాఙ్గం - కాషాయధరం పణ్డితేశమ్

(ముఖమున చందన బింబ తిలకము, మధ్య కుంకుమ తిలకమును ధరించిన వాడును, బ్రహ్మతేజస్సుతో వెలుగుచున్న వాడును, త్రిలోకములను మోహింపచేయు సుందరాంగుడును, కాషాయ వస్త్రధారియు, పండితసార్వభౌముడునగు దత్తుని భజించుము).

11. అత్రేః పుత్రం బ్రహ్మదత్తం - అనసూయాంబా ప్రేమరాశిమ్
అజిన మేఖలం బ్రహ్మదణ్డం - యజ్ఞోపవీత మక్షమాలమ్

(అత్రిపుత్రుడగు బ్రహ్మదత్తుడును, అనసూయాంబయొక్క ప్రేమరాశియును, కృష్ణచర్మమును మేఖలగా కలవాడును, బ్రహ్మదండమును యజ్ఞోపవీతమును జపమాలను ధరించినట్టి దత్తుని భజింపుము).

12. స్వతనోరుద్య త్కమల గన్దైః - త్రిభువనాని హ్లాదయన్తమ్
బ్రహ్మముహూర్తే సాధాకానాం - ప్రచోదయేత్తా యో ధియో నః

(తన తనువునుండి ప్రసరించు పద్మగంధములచేత త్రిభువనములను ఆహ్లాదపరచువాడును, బ్రహ్మముహూర్తమున సాధకులగు మాయొక్క బుద్ధులను ఏ దేవుడు ప్రేరేపించునో అట్టి దత్తుని భజింపుము).

13. సృష్టిక్రమ వద పురుషసూక్తం - త్రిస్వరబద్ధం పావనార్ధమ్
ఋషిభిః పఠితం బ్రహ్మకాలే - శ్రుత్వాశ్రుత్వా ప్రీయమాణమ్

(జగత్తుయొక్క సృష్టిక్రమమును వివరించునదియు, మూడు స్వరములతో నున్నదియును, పవిత్రమైన అర్ధము కలదియగు, పురుష సూక్తమును తనివితీర విని విని సంతోషించుచున్న దత్తుని భజింపుము).

(ఈ భజన ఆడియో కొరకు భజ భజ దత్తం - పార్ట్ -2 చూడండి)

బ్రహ్మ దత్తులను చూడండీ - కొలువైయున్నారిపుడండీ

బ్రహ్మ దత్తులను చూడండీ - కొలువైయున్నారిపుడండీ. (పల్లవి)

1. ఆ దేవ సవిత గొప్ప తేజమును ధ్యానింతుమెవరు మాదగు బుద్ధుల
ప్రేరేపించగ సమర్ధులగుదురొ ఆ బ్రహ్మయైన జ్ఞాన సూర్యులగు

2. ప్రాణి ప్రసవము చేయు సవితయును సృష్టికర్తయగు బ్రహ్మతేజమే
శిష్య బుద్ధులను ప్రేరేపించును ఆ గాయత్రీ మంత్రసారమగు

3. గాయత్రియనగ ఛందోనామము సవితయె దేవుడు చెప్పుచుంటిమట
శిష్యాంధకార ముకుళితాబ్జ ధీవికాసదులు గురువరేణ్యులగు

4. కర్తయుభర్తయు హర్తయు వారే సర్వ జగత్తుకు శ్రుతివాక్యమదే
త్రిమూర్తిరూపులు ఏకమెబ్రహ్మము బ్రహ్మాకారులు బ్రహ్మవాక్కులగు

5. త్రిపాది ఛందము త్రిస్వరమంత్రము త్రికాలవంద్యులు త్రిగుణసూత్రమది
గంగాయమునా సరస్వతీ సమ త్రిమూర్తిసంగమ ముద్దేశించును

6.ఓంకారంబది త్రివర్ణమిళితము త్రివ్యాహృతులును సంబోధించును
సర్వమంత్రమును త్రిగుణములేగద త్రిమూర్తులనుగుణి వ్యక్తి ఒక్కరగు

7. నాల్గు వేదములు శునకములగుచును వేదధర్మమే గోవుగ నడవగ
వీణాశ్రవణులు వాణీ రమణులు షోడశ వర్షులు బ్రహ్మదేవులగు

8. జగదారంభులు హంసవాహనులు తేజోవదనులు మంత్రమూలమును
గాయత్రీశులు సామగాయకులు విద్యా నిలయులు వేదపాఠులగు

9. యజ్ఞాచరణులు హోమనిష్ఠితులు కమండలుకుశలు జపమాల బట్టి
ప్రాతస్సంధ్యా బాలభానులును అగ్నిజ్వాలగ భాసించుచుండు

10. చందనతిలకము కుంకుమాంకితము బ్రహ్మతేజస్సు దీపించుచుండ
త్రిజగన్మోహన సుందరాకృతులు కాషాయధారి పండితేశ్వరులు

11. అత్రిపుత్రులును బ్రహ్మదత్తులును అనసూయాంబా ప్రేమరాశులును
అజినమేఖలురు బ్రహ్మదండులును యజ్ఞోపవీత మక్షమాలగల

12. తన తనువునగల కమలగంధముల త్రిభువనములు ఆహ్లాదమునొందగ
బ్రహ్మముహూర్తము నందు సాధకుల మమ్ముల బుద్ధుల ప్రేరేపించెడి

13. త్రిస్వరబద్ధము పావనార్ధమగు సృష్టినిజెప్పెడి పురుష సూక్తమును
ఋషులు పఠించగ బ్రహ్మకాలమున విని విని యెంతో ప్రీతిని పొందెడి

14. త్రిమతాచార్యులు పఠించుచుండగ తమతమ మతముల భాష్య వాదముల
అవి విని చివరకు సిద్ధాంతమును సమన్వయ మతము నొప్పుగచెప్పెడి

15. వేదాంతములకు అంతిమార్ధమై వేదాంతార్ధము బోధించునెపుడు
శాస్త్రరహస్యము లందున నడిగెది ఋషులకు చెప్పుచు వారి మధ్యగల

16. ఆయుధవర్జిత పాణిపద్ములును వాగాయుధమున శత్రుమారకులు
కర్మఫలంబుల నుదుటి పత్రమున లిఖించునాయుర్దాయ దాతలగు

17. ఆచార్యేంద్రులు వాక్ప్రచారకులు భువి సంచారులు నిర్విచారులును
ఖలాభిచారులు సదాచారులును సురపరిచారులు చిత్తచోరులగు

18. పద్మసంభవులు పద్మాసనులును పద్మసుగంధులు పద్మవర్ణులును
పద్మాపుత్రులు పద్మనేత్రులును పద్మసుపాణులు పద్మపాదులగు

19. వీణాపాణియు శిష్యురాలగుచు వాణిపాడునట జ్ఞానదేవతయె
ఆ వాగీశుని సామగీతముల శోణాధరచర మంత్రపాఠులగు

20. ఒక సంకల్పమె ఎవరు చేయగా సర్వము విశ్వము రచిత మీ విధిగ
ఆద్యదేవులును ప్రధమమూర్తియగు ఆరాధనీయు లజులనాదియగు

21. నుదుటివ్రాతలను తుడిచివేయగా వ్రాసినవారే సర్వసమర్ధులు
విధాతయనగా కర్మఫలములను విధించువారలు మూలమూలమగు

22. చతురవాక్కులగు చతుర్వేదముల చతురాననములు చెప్పుచునుండగ
ఆదికావ్యమగు సర్వజగత్తును రచించువారలు కవులకు కవులగు

23. పరబ్రహ్మమను బ్రహ్మశబ్దమది ఏ ఒక్కరికే పేరుగ గలదో
బుద్ధికి చిక్కరు పూజలకందరు దినారంభమున పరమపూజ్యులగు

24. గాయత్రి మొదలు ముగ్గురు భార్యలు త్రిశక్తులుండగ త్రిముఖపద్ములై
దేవులు తండ్రులు వారికె తండ్రియు పితామహులనగ బ్రహ్మరూపులగు

25. సత్యలోకమున పద్మపీఠమున బ్రహ్మసదస్సున అధ్యక్షులగుచు
సరస్వతీ సతి నారదసుతుడును తమతమ వీణల మీటుచునుండగ

26. బ్రహ్మర్షులచట శాస్త్రవాదముల చర్చల సేయగ నాకర్ణించుచు
చివరకు నిజమత సిద్ధాంతములను సమన్వయములను ప్రతిపాదించెడి

27. బ్రహ్మముహూర్తము సంధ్యాసమయము బాలభానురుచి కుంకుమరాశుల
పాదపద్మముల నర్చన సేయగ పద్మాసనమున ఆసీనులైన

28.. వేదపురుషులట నలుగురు తనయులు జటామండలము లొప్పుచునుండగ
మధురకంఠముల శ్రవణరమ్యముల త్రిస్వరపావన మంత్రముల చెప్ప

29. శరదంబోధర శరీర కాంతులు జ్ఞానతేజములు ప్రసరించుచుండ
వాణీదేవత సామగానముల కచ్ఛపివీణను వాయించుచుండ

30. సిధ్ధాంతార్ధము నటనటపలుకగ ఆహో! యని ముని ఘోషలు చెలగగ
తన్మయుడై తన తండ్రిని పొగడుచు వీణాకలముల దేవర్షి పాడ

31. బ్రహ్మ దత్తులను ఈ గాయత్రిని బ్రహ్మకాలమున గానము చేసిన
బ్రహ్మ తేజమున ఉద్దీప్తులగుచు బ్రహ్మజ్ఞానులు బ్రహ్మమె అగుదురు

32. శతవర్షంబులు ఆయుర్దాయము సర్వవిద్యలును సంప్రాప్తించును
హోమము చేసిన మహదైశ్వర్యము సత్పుత్రసిద్ధి బ్రహ్మదృష్టి పడు

Download this bhajan sung by Shri Dattaswami here.

శ్రీ మహాలక్ష్మి స్తుతి

(భృగుమహర్షి నారాయణుని హృదయంపై పాదఘాతము చేయుటతో కోపగించిన, దుఃఖితురాలైన శ్రీ మహాలక్ష్మి వైకుంఠం వీడి భూలోకంలోకి దిగివచ్చి కొల్హాపురం చేరుట.)

దిగివచ్చినదే మంగళ దేవత - వైకుంఠము వీడి వసుధకు రుసరుస
తన తండ్రి భృగువు తన్నగ నల్లుని - ఉరమున, ఉడికిన ఉద్రేకముతో (పల్లవి)

1. చెంపల చారెడు కన్నులు నిండిన - అశ్రువులొలకగ పెద్ద ముత్తెములు
పద్మా పద్మా యను పద్మాక్షుడు - వెంటబడి వెనుక ఆహ్వానించిన

2. ఘల్లు ఘల్లుమని కాలి అందెలును - మధురధ్వనులను పలుకుచుండగా
హంసయానమున దిగిదిగి వచ్చెను - మేఘ మార్గమున తారలు చెదరగ

3. విడివడిన కురుల విదలింపులతో - వడి వడి నడకల వేడి వేడిగను
నిశ్వాసములకు వాడిపోవగా - అధర పల్లవము పన్నుల నొక్కుచు

4. ముఖమున ఎర్రని తళతళకాంతుల - స్వేద బిందువులు జాలువారగా
బాల భాస్కరుని కిరణములొప్పగ - సంధ్య కాంతివలె శోభిల్లె పద్మ

5. బంగారుగాజులెగురగ గలగల - చేతుల నూపుచు బంగారుబొమ్మ
ఆ పద్మ నడవ అరవిందాక్షుడు - అల్లాడె వెనుక పరుగుల నెత్తుచు

6. కనక హారములు కులుకుల నడకల - గలగలలాడుచు గంతులేయగా
కమలా దేవత కదలి వచ్చెగా - కమలలోచనుడు కమిలి పోయెనే

7. ఆగు ఆగు మని అర్ధించుచున్న - అంతకంతకును వేగము హెచ్చగ
పద్మ నడచెనే పురుషోత్తముడదె - పరుగునవచ్చును వనమాల యెగుర

8. సాత్త్విక గుణవతి శాంతరూపిణివి - ఇంత ఆగ్రహము నీకేల దేవి !
నీ తండ్రి భృగువు నా తండ్రి సముడె - చరణ స్పర్శయు ఆశీర్వచనమె

9. ఇట్లు మాధవుడు వచించుచున్నను - పద్మకు దుఃఖము పొంగుచు పొరలెను
భర్తమాత్రమే కాదు హరితనకు - భగవంతుండును పాద దాసిగా

10. మణిపూర చక్ర మతిక్రమించిన - శ్రీ మహాలక్ష్మి తండ్రి బంధమును
లెక్కసేయకే పరమాత్ముడినే - సర్వాధికునిగ తలచిన ధన్యయె

11. వినదాయె పద్మ వేయి చెప్పినను - పరమాత్మ పరాభవమును సహింప
ఓర్వగ లేకయె ఏడుపు కోపము - మిశ్రమమై మది కల్లోలమయ్యె

12. అదిగోవచ్చును అరవిందాసన - అందాల రాశి ఆవేశముతో
అంబర వీధిని సప్త మహర్షులు - ప్రణమిల్లుచున్న అవలోకించదు

13. హరిపద సంభవ ఆకాశగంగ - హరి పదముల బడి సవ్వడి పొందుచు
అలలతో జెప్పు ఆగుమమ్మయని - అలివేణి పద్మ ఆగదు క్షణమును

14. తెల్లని గంగా జలముల నడచెడి - ఎర్రని పద్మా సతి ఖేచరులకు
ముత్యాలసరము మధ్యమాణిక్య - మొకటి చలించెడి రీతి జూపట్టె

15. వడివడి హరిపద వేగముతనలో - నవనవ వీచికలుప్పతిలఁజేయ
పద్మాపదముల తాకుచు పలికెను - హరి అభ్యర్ధన నందించు గంగ

16. కానీ పద్మా పదముల వేగము - తాకిడితో తన అలలు వెనుదిరిగి
పద్మ నిశ్చయము నందించ హరికి - మధ్యదూతివలె మందాకినియగు

17. భూలోక జనుల దరిద్రమంతము - చేయగ సమయము ఆసన్నమయ్యె
పద్మా చరణము లవనిని తగిలెను - సకల సౌభాగ్య సంపత్కరములు

18. భూదేవి సవితియైనను పదముల - సవితి తాకినను ఆనందించెను
అష్టైశ్వర్యములవనిని పొందగ - పద్మను నమస్కరించె భక్తితో

19. నడుచుచున్నదే నారాయణియదె - కొల్హాపురమున తపమును చేయగ
దైవావమాన తాపముతనలో - కోపకారణము అరుణ రూపమై

20. మంగళ దేవత చరణమార్గమున - పూలను రాల్చెను వనములతరువులు
తల్లి పాదములు కందిపోవునని - ముందుగ పవనుడు ఊడ్చి వేయగా

21. బంగారురంగు తామ్రాంచలమగు - హరికిష్టమైన చీరను కట్టిన
మంగళ దేవత పసుపు కుంకుమము - మేళవించినటు తోచుచున్నదే

22. మధుసూదనసతి మానవతీమణి - ఆత్మావమాన హేతువు కాదది
తండ్రిపాదమును బిడ్డ ఒప్పదా - స్వామి పరాభవమోర్వలేదాయె

23. ఎంతటి భక్తియొ ఆలోచింపుము - తండ్రికి తనకును మించి దైవమట
పరమ భాగవత భక్తాగ్రేసర - స్వామి పదసేవ నెప్పుడు విడువదు

24. ఆభక్తిమెచ్చి సర్వసృష్టికే - తన సంపదకే అధిదేవతగా
హరియుచేసెనే ఆ సతీమణిని - హృదయ దేవతగ ధరించె పద్మను

25. పద్మ పోవగా నారాయణుడదె - నళిన నేత్రముల భాష్పధారలను
కురియుచు పరుగిడు పద్మనామమును - ఎలుగెత్తి పిలుచు ఏడ్చుచు పెద్దగ

26. తండ్రి కన్నను స్వామియె ఎక్కువ - భక్తులకన్నది దక్షయాగమున
నిరూపించెనే ఆ సతీదేవి - సతియన పద్మయె శివుడన హరియె

27. కొల్హాపురమున పద్మాసనమున - యోగనిష్ఠలో కుర్చుండె పద్మ
అగ్నిగఁదోచును క్రోధ కాంతియదె - యోగాగ్ని మధ్య సతివలె పద్మయు

28. అశ్రుధారలను ఆపగ లేనివి - కన్నుల మూసెను ధ్యానించు హరిని
పద్మను పోలిన భక్తులెవ్వరే - భువనములందున సర్వోత్తమయే

29. మంగళ దేవత ! వందనమమ్మా - నారాయణి ! యివె నమస్కారములు
స్వార్ధ దరిద్రము పోగొట్టుమమ్మా - భక్తి సంపదను మాకిమ్ముతల్లీ !

Download this bhajan sung by Shri Dattaswami here.