స్వామి రచించిన గోపి గీతలు గ్రంధము నిండి కొన్ని భజనలు.
---------------------------------
భాగవతము రంకు కాదు - ఙ్ఞానమదియె ఓరి శుంఠ !
గోపి వేశ్య యనిన మూఢ - దత్తుడెపుడు వేశ్య రతుడె (పల్లవి)
వేదశాస్త్రమర్ధమైన - మాత్రమిచట పండితుండె
కృష్ణకేళి దత్తలీల - భాగవతము నెరుగకున్న
స్వామి కొరకు సర్వధర్మ - త్యాగమాచరింపవలయు
సర్వధర్మత్యాగి సర్వ - పాపముక్తు డనును గీత (“సర్వ ధర్మాన్” .. గీత)
త్రికరణార్పణంబు సంధ్య - చివరి శ్లోక సారమదియె
కృష్ణ దత్త గోపిమునియె - ఆచరించి చూపెనిచట (“కాయేన వాచా” ..)
హరికి ప్రియమె పుణ్యమన్న - హరికి కోపకరమె అఘము
ప్రకృతి రూప జీవులెల్ల - స్త్రీలె పురుషుడొకడె అతడు
---------------------------------
(మమ్ములను మరచినావని గోపికలు అన్న మాటను ఉద్ధవుడు వచ్చి చెప్పగా విని వేదనతో)
మరచి పోతివనుచు గోపి! - ఎంత మాట పలికినావు ! (పల్లవి)
ఉద్ధవుండు చెప్పె నాకు - అట్లు పలుకు సమయమందు
కమలనయన కెంపులందు - జలము ధారలయ్యె ననుచు
నన్ను నేనె మరతునేమొ - నిన్ను ఎట్లు మరువగలను
బృందలోని యమున సాక్షి - అ తమాల తరులు సాక్షి
------------------------
ఎందరున్న నేమి గోపి? - నాకు ప్రాణ ప్రాణ మీవె (పల్లవి)
ఎన్ని తారలున్న నేమి? - గగనతలము బిక్కుమనును
పూర్ణ చంద్ర బింబ మనెడి - దీప మొకటి లేకయున్న
ఎన్ని నదులు ఉన్న నేమి? - భిన్న వర్ణ రుచుల తోడ
నీల జలధి నందు కలియు - నీల యమున లేకయున్న
ఎన్ని పూవులున్న నేమి? -కృష్ణ భ్రమర మెపుడు తిరుగు
ఆ సుగంధ పద్మ మొకటి - సరసు నందు లేకయున్న
ఎన్ని గ్రంధ శతములున్న - వాటి వలన నేమి ఫలము
గోపి కృష్ణ ప్రణయ బంధ - భాగవతమె లేకయున్న
రుక్కు గాని భామ గాని - అష్ట సతులు ఆపలేరు
బృంద లోని నిన్నుఁ జూడ - జీవుడెగుర సిద్ధమయ్యె
--------------------------------
Subscribe to:
Post Comments (Atom)
No comments:
Post a Comment