టీవీ వ్యసనాలలో అగ్రగణ్య. దానిని సన్యసించమని సాధకులకు స్వామి బోధ.
త్యజరే టీవీం త్యజరే టీవీం - టీవీం త్యజరే మూఢమతే (పల్లవి)
ఎదురుగ కాలుడు కాలపాశమును - గిరగిర త్రిప్పుచు నిలచి యుండగా
టీవీ దృశ్యములేవియు నవి నిను - రక్షింపనేర వని తెలియుమురా
కాలము శక్తియు పరిమితములుగద - వ్యర్ధముచేతువు వాటిని మూఢా
పన్నీరములను బూడిదఁ బోసిన - చివరి క్షణమున విలపింతువురా
ఎంతో శ్రద్ధగ శ్వాసను బిగించి - టీవీ దృశ్యము చూతువు జీవా !
ఆ శ్రద్ధలోన సహస్ర భాగము - దత్తుని పై నిలపిన చాలునురా
నిన్నుద్ధరించ శ్రీ గురు దత్తుడు - నరావతారమునెత్తియు భువిలో
సంచరించునిదె పదముల పట్టుము - టీవీని బద్దలు చేయుము జీవా
నీ తపమును భంగము చేయగనిదె - అప్సరసలందరును గుమికూడియె
టీవీ రూపము తాల్చిరి వలయై - నిను పట్టిరిట బయటకు రారా
కలి పురుర్షుని ధర్మ పత్ని టీవీయె - నీ శక్తి పీల్చి పిప్పిని చేయును
కాలము చంపును నిన్ను చంపునది - మానవ జీవిత మత్యల్పమురా
Subscribe to:
Post Comments (Atom)
No comments:
Post a Comment