దత్త కీర్తనలు

ఇతడే దత్త గురుడు - పరాత్పరుడు - నరవరుడు
మన దేహముల-ఘన మోహముల - సందేహములెపుడు (పల్లవి)

చిలికె వేదమును - పలికె గీతలను - ఒలికె భజనలును
చూపె మహిమల - చేసె బోధల - బ్రోచె భక్తుల

మాయగంతల - త్రోసి కంతల - కనుడు వింతల
సూత్రధారియౌ అత్రి పుత్రుడే పాత్రధారియగు

అవతరించును - భువిచరించును మదిహరించును
పాత్ర్రోచితపు జీవవాక్కుల పలుకుచుండును

మాయమాటల మాయ చేష్టల నటనలోలుడు
భక్తులకైన కనులఁ గప్పును మహా మాయను

ఈ చరాచర సృష్టి అంతయు వాని ఆటకే
ఆడుచిందురు జీవులెప్పుడు ఆట బొమ్మలే

వేద తైలపు ఙ్ఞాన దీపము చూపునెప్పుడు
భక్తి పధమున ఊతమిచ్చుచు నడక నేర్పును

Download this bhajan sung by Shri Dattaswami here
----------------------------

రమించు వాడెవరురా ! నిను వినా ! గురువరా ! దత్తా !
(పల్లవి)

అనేక వేషములలో - నరావతారములలో
రమింపఁ జేసి పరులన్ - రమించు చుందువెపుడున్
సహస్ర శీర్ష పురుషా - సహస్ర నేత్ర చరణా
విభిన్న పాత్ర రమణా - వినోద మోద రసికా

ఒకండవై రమణమున్ - వరించి చేసి జగమున్
రమించి సాక్షి వగుచున్ - నటింప కోర్కె కలుగన్
జగత్తు దూరితివిగా - రమించుచు న్నటుడవై
రమించు రాముడనగా - వినోదమే జగములే

స్వభక్త కర్షకుడవై - రమింప చేసి పరులన్
జగాన కృష్ణుడనగా - ప్రసిద్ధి చెందితివిగా
నిరంతరంబు జగమున్ - చరించు చుండునిటులన్
వినోదమాగదుగదా - రహస్య సత్య మిదియే

Download this bhajan sung by Shri Dattaswami here