అంతా దత్త మయం - ఈ జగమంతా దత్త మయం

అంతా దత్త మయం - ఈ జగమంతా దత్త మయం
దత్త మయం - శ్రీ దత్త మయం
గురు దత్త మయం - ప్రభు దత్త మయం (పల్లవి)

1. పంచభూతము లంతటనుండు - బ్రహ్మమంతట దత్తుడె కలడు
నేను లేనిది నేను కానిది - ఏమున్నదిచట ఎచ్చటనైన
విశ్వ కర్తను విశ్వ భర్తను - విశ్వ హర్తను దత్తుడు నేను
సృష్టి నాటక సూత్రధారిని - పాత్ర ధారిగా అవతరించును

2. నీకై నీవుగ నను గుర్తించవు - నేను తలచిననె నను గుర్తింతువు
నా క్రీడ ఇదె నవరస భరితము - నను సేవించుము నా దాసుడవై
ప్రతిఫలమేమియు కోరక నన్నే - ప్రేమించుమిదే ముక్తికి మార్గము
నా సద్గుణముల నభిమానించుము - కారణమిదియే కావలె పూజకు

3. అష్ట సిద్ధుల అవసరమేల - సుందరాకృతికి సొమ్ములు ఏల
ఙ్ఞాన యోగమే నా సౌందర్యము - ఙ్ఞానులు వ్యక్తిని గుర్తించెదరు
ఎన్నో పాత్రల ఏక కాలమున - అభినయింతునీ చలనచిత్రమున
ఏ వేషమైన పతిని పతివ్రత - దత్తుని భక్తులు తెలుసుకొందురు

దత్తుడు నేనే - భక్తుడు నేనే - ఒక్కడే మీమీ భావ సిద్ధుడు
సత్యం నేనే - సర్వం నేనే - నిత్యం నేనే - నీవూ నేనే

Download this bhajan sung by Shri Dattaswami here